GENERAL SANTOS CITY – Nakaangkon og temporaryong kagawasan ang onse sa trese ka mga nadakpan gumikan gituohan nga supporter sa rebeldeng grupo nga NPA.
Gawasnon ang mga suspek nga nag-atubang sa kasong pagsupak sa Section 1 sa Presidential Decree 1829 og ang obstruction of apprehension and prosecution of criminal offenders nga silang Teresita Naul, Virgilio Sanama, Jennel Frances Chenfoo, Analiza Avenido, Bryan Porras, Roger Plana, Kristine Carbando, Jumoring Guaynon, Ireneo Udarbe Jr., Rosemarie Cantano og Aldeem Yañez.
Kini human sila nakapyansa og tig-36 mil pesos matag usa sa ilang kaso na dunay criminal case number 55660 samtang pirmado ni Judge Emilio Quianzon Jr. sa Municipal Trial Court in Cities.
Samtang nagpabiling anaa sa kustodiya sa Pendatun og San Isidro Police Station ang duha nga gikunsiderang utok sa pagplano sa mga bag-ong lihok sa organisasyon sa rebeldeng NPA nga silang Maria Unabia alyas Del ug Francis Madria alyas Kiang, Carl ug FX nga nagtago sad sa pangalang Emilio Gabales human nag-atubang sa kasong kidnapping with murder, frustrated murder og attempted murder.
Padayong dunggon ang kaso sa onse nga nakapyansa samtang gitakda ang pagdungog sa ilang kaso sa umaabot nga adlaw ingon man gihulat na lang sa otoridad sa General Santos City Police Headquarters ang commitment order gikan sa mga korte nga nag-isyu og arrest warrant batok sa gitaho nga utok sa pagplano sa rebeldeng grupo aron matugyan sa City of Provincial Jail sa Northern Mindanao.
For more info’s and updates, like and share our official facebook account : www.facebook.com/ifm91.9Gensanofficial/
