Davao City – Nakuha na sa Angel Funeral Parlor ang mga patay’ng lawas sa magtiayon ug sa ilang anak nga na-trap sa nasunog nilang balay sa NHA Buhangin pasado 3:00 ganinang kadlawon.
Nag gakus pa ang mag-inahan samtang gipanalipdan ang ilang mga likod sa amahan gikan sa kalayo nga mikaon sa ilang tagsa-tagsa ka mga lawas sud sa naugdaw nilang balay.
Patay na nga nakit-an sa Bureau of Fire Protection Davao ang lawas nila Rose Pacual, ang inahan, Camille Pascual, ang anak ug ang Padre de Pamilya nga si Christopher Pascual.
Nasayran nga napugos og gamit og hatsa ang mga silingan ug tigbas ang lock sa gate diin nakasulod man sila apan pakyas gihapon sila sa pagluwas sa magtiayon ug sa anak gumikan sa kadako sa kalayo.
Bugtong ang kamagguwang anak nga si Pamela Pascual mao ra’y naluwas ug nakagawas sa nagdilaab nilang pinuy-anan apan nasunog ang pipila ka parte sa iyang lawas busa dali kining gidala sa Southern Philippines Medical Center.
Gideklara nga fire-out ang sunog pasado 5:00 sa sayong kabuntagon.
Nasuta sa gihimong imbistigayon ni Senior Fire Officer 4 Rosalia nga mibusikad matud pa ang ilan LPG ug paspas mikuyanap ang kalayo sa tibuok panimay diin di pa mahibaloan kun pila ang kinatibuk-ang damyos sa mao nga insidente.
RadyoMaN Joel Viray
