UPDATE: Pulis nga samdan anaa na sa stable nga kondisyon

142

Davao City – Kasamtangang nagpaalim karon sulod sa Southern Philippines Center ang personahe sa Bunawan PNP kinsa samdan atol sa engkwentro batok sa usa ka suspek nga adunay standing warrant of arrest sa kasong homicide sa may Sitio Mahayag Gatungan Bunawan.

Giila ang pulis nga si Pcpl Joel Villegas kinsa nakahiagom og mga samad pinusilan sa iyahang lawas.


Sa interbyu sa RMN Davao kang Bunawan PNP station commander nga anaa na kini sa stable nga kondisyon ug gikataktadang operahan.

Personal usab nga gibisita ni Davao City Police Office head Police Col. Alexander Tagum ang samdang pulis.

Samtang, gidala sa Rivera Funeral Homes ang suspek nga naneutralisa sa mga awtoridad human kini nakigpinusilay nga si Basilio Moteroso Obrigoso, 46 anyos, residente sa Piatos, San Isidro, Bunawan.

Narekober sa SOCO sa crime scene ang mga basyu sa bala atol sa nahitabong gun battle batok sa suspek ug mga pulis.

Gikustodiya sa Bunawan PNP ang igsuon niining naaresto sa mga kapulisan nga si Rogelio Abrigoso Jr., 49 anyos kinsa kauban sa suspek atol sa maong shooting incident ug gisusi ang posibleng kalambigitan niini sa maong insidente.

Segun ni Villahermosa nga nakadawat na sila’g impormasyon sa planong pagikyas sa maong wanted person busa atol sa road blockade sa may Liloan, Mayahag Davao naharang nila ang suspek sakay sa motor uban ang iyahang igsuon apan inay muhunong namusil kini sa mga tinugyanan sa balaod.

RadyoMaN Aimee Guinita

Facebook Comments

From Advertisers