Lamitan, Basilan- Ya subi ya na dos el numero del ya sale muerto na maga empleyado del DPWH-ARMM con quien ya man ambush el maga desconosidos armao persona endenantes pasao alas siete del aga na mismo highway del brgg Baas, ciudad del Lamitan . El Lamitan Police ya identifica con el maga victima quien ya sale muero como canda Abdulbasit Daimun y Adzhar Dakis, maga residentes del munisipio del Tipo-Tipo Basilan, mientras irido el de estos maga compañero identificao como canda Mittoy Estajal y un tal Abdul Sarabin todo estos empleyao del DPWH-ARMM. Ta aparece na initial imbestigacion del otoridad, que el maga victima encamino ya para na ciudad del Lamitan estaba na municipio del Ungkaya Pukan, y cuando ya llega sila na brgy Baas, derefente ya aparece el maga suspechao y ya repica canila de bala.
