Cinco el confirmao muerto un cafgu y cuatro civillian mientras dos con quien ya abducta el armao grupo mientras estos ya escapa anoche alas seis de noche .
Este despues ya man encuentro el tropa de Govierno conel maga disconocidos armao persona na Barangay Piacan Sirawai Zamboanga Del Norte cuando ya llega el maga armao persona na lugar abordo na un Pump boat.
Como resulta del encuentro cinco el confirmao muerto un miembro de Cafgu y cuatro civillian mientras dos el quien ya sale irido .
Pero antes escapa el armao grupo ya subi pa estos na casa del man Maridable Rufo Roda y Helen Roda y ya usa cunestos como human shield , para ibita canila tira el militar.
El maga suspechao llebando con diila maga victima ya embarka na pumpboat y ya kore para na direksyon de sibuco Zamboanga Del norte.
El Militar y Policia ta continua el pursuit operasyon contra con maga suspechao y nuay pa puede determina si cosa grupo el embuelto na mas reciente encuentro que ya resulta na abduccion.
