GENERAL SANTOS CITY – Gawasnon na karon sa presinto sa kapolisan ang suspek nga gironda sa Regional Police Drug Enforcement Unit nga si Neil Dayupay human nakapyansa tungod nagkuwang matod pa sa kalig-on sa mga ebedensya nga gipresentar ang kapolisan ngadto sa korte batok sa suspek.
Nasayran nga niaging buntag nahimong nakaangkon og temporaryong kagawasan ang suspek nga si Dayupay human giindorso sa iyang abogado ang release order pirmado ni Judge Panambulan Mimbisa.
Apan natigayon ang gamayng lalis tali sa imbestigador sa Pendatun Police Station 1 kung asa napreso si Dayupay human gikwestyon ang dala nga release order gumikan wala malatid ang resolusyon sa dismissal sa kaso may kalabutan sa pagsupak sa RA 9516 o possession of explosives.
Nibalik sa korte ang abogado sa akusado aron kuhaon ang laing kopya sa resolution sa dismissal sa kasong giatubang og wala magdugay nakagawas sa presinto ang suspek.
Kahibaw-an nga gironda ang panimalay ni Dayupay og nakuhaan kining granada ingon man shabu og paraphernalia samtang ang silingan niyang si Crispio Liquit alias Peping sa Purok Tinago, Brgy. Dadiangas South ang napatay sa operasyon sa kapolisan human nisukol.
For more info’s and updates, like and share our official facebook account : www.facebook.com/ifm91.9Gensanofficial/
