UPDATE Tatlo ka mga nagkalamatay nga mag-ulutod sa banwa sang Cuartero, magabaton sang bulig sa construction company nga ila ginatrabahuan

Roxas City, Capiz – Ginpasalig sang pamunoan sang SDB Construction nga buligan ang pamilya sang tatlo ka mag-utod nga Vargas nga napatay matapos nga na-suffocate sa sulod sang underground water tank sa Maindang Senior High School sa Brgy Maindang, Cuartero, Capiz.
Suno sa project supervisor nga si Nico Roxas, indi na iban sa iya ang mga biktima bangud salaligan ang mga ini sa ila mga proyekto.
Ginpunto sini nga kun kaisa indi gid mapulong ang matabo nga disgrasya.
Samtang, nakig-angut naman sila sa pamilya Vargas parti sa bulig nga igahatag sang kompanya ilabi na sa gastos para sa pagpalubong sa mga biktima.
Nahibaluan nga base sa inisyal nga impormasyon, una nga nagpanaog ang biktima nga sa β€œDodong Vargas” sa nasambitan nga underground water tank agud nga magpanglimpyo kag magkuha sang pormas apang ini ang nalipong.
Gintinguhaan nga salbaron siya sang duha sini ka utod apang mangin ang mga ini ang nalipong man kag ginbawian sang kabuhi.

Facebook Comments