Davao City – Gilusad ang Urban Tactical Defensive Training sa Davao City Police Office sulod sa duha ka adlaw Enero 30-31 ning tuiga sa pagpanguna ni DCPO City Director Police Sr.Supt Alexander Tagum sa Camp Capt. Domingo E. Leonor, San Pedro St. Davao City.
Sumala ni Tagum nga ang maong training gipartisiparan sa mga station commander sa tanang police station ning siyudad lakip ang mga unit commander sa traffic, mobile patrol group ug special operation group.
Gidugang ni Tagum nga parte kini sa ilang trabaho aron pagbansay sa ilang kahibalo nga mamahimong hanas sa paggamit sa ilang armas.
Giingon ni Tagum nga usa sab kini ka pagpangandam sa DCPO sa pagsugpo sa mga kriminal o terorista nga muhimo og krimen dinhi sa dakbayan.
RadyoMaN Don Pulayao
