Kinilala ang Urdaneta City bilang Provincial Winner sa patimpalak na Juana Malakas: Stories of Women Empowerment Advocacy Video ng Pantawid Pamilyang Pilipino Program (4Ps), matapos manguna sa kabuuang 41 na kalahok mula sa iba’t ibang lokal na pamahalaan sa lalawigan ng Pangasinan.
Ang nasabing patimpalak ay bahagi ng pagdiriwang ng National Women’s Month na naglalayong itaguyod ang pagkakapantay-pantay ng kasarian at palakasin ang boses ng kababaihan sa komunidad. Tampok sa kompetisyon ang mga makabuluhang kuwento at inisyatiba na nagpapakita ng aktibong partisipasyon ng kababaihan sa pagsusulong ng kaunlaran at pagbabago sa lipunan.
Ipinapakita ng pagkilalang ito ang matibay na paninindigan ng lungsod sa pagsusulong ng women empowerment, gender equality, at mga adbokasiyang nakabatay sa komunidad. Patunay rin ito sa sama-samang pagsisikap ng lokal na pamahalaan at mga katuwang na ahensya sa pagpapatibay ng mga programang nagtataguyod sa kapakanan at pag-unlad ng kababaihan.
Sa patuloy na pakikiisa sa mga ganitong gawain, higit pang pinalalakas ng lungsod ang mga hakbang tungo sa isang inklusibo at makatarungang lipunan para sa lahat.
