Davao City – Wala dawata ni Presidente Rodrigo Duterte ang gitanyag sa Estados Unidos nga mga high powered jets.
Atol sa ika-12th nga anibersaryo sa Eastern Mindanao Command gibutyag sa pamuno nasud nga tulo ka mga miyembro sa gabinete ni US Pres. Donald Trump nga sila US State Secretary Mike Pompeo, Commerce Secretary Wilbur Ross ug Defense Secretary James Mattis ang nagpadala kaniya og sulat kalabot sa offer sa America nga air defense assets.
“We do not need any F-16s. It would be utterly useless to buy it, but I need attack helicopters and small planes for the counter-insurgency,” matud ni Duterte.
Gipasabot ni Duterte nga dili kini mapuslan tungod kay walay kagyera ang Pilipinas sa laing mga nasud.
“How many F-16s can I buy? Three? For what? Against China? Malaysia? Wala naman tayong away. What I need are propeller-driven planes to fight the insurgents,” dugang sa pangulo.
Adunay kondisyon si Duterte sa U.S. nga pamatud-an usa nika og tarong ang ilang gilaraw nga mga ekipo kay matud niiini nga pipila ka mga kinabuhi ang nakalas human nga tulo sa unom ka mga helicopters nga gikan sa maong nasud ang nangahagsa.
Apan buot mahimamat sa pangulo ang tulo ka mga opisyales alang sa debate apan dili kini muadto sa Amerika.
RadyoMaN Aimee Guinita
