Nagpirma sang joint agreeemnt sanday US President Donald Trump kag North Korean leader Kim Jong-un kadungan sang ila ‘historic’ meeting sa Capella Hotel sa Singapore subong nga adlaw.
Wala naman naghatag sang dugang nga detalye si Trump kon ano ang kaundan sang ila ginpirmahan nga kasugtanan kag ginpahayag nga “pretty comprehensive” ang dokumento .
Dugang pa niya nga iya patpaton ang kaundan sini sa indi madugay.
Nagpasalamat naman si Kim bangud apisar madamo sang sablag kag pagpanghangkat sa ila pagkitaay sang US President, natigayon gihapon ang ila meeting ni Trump.
Suno kay US President Donald Trump nga ang ila meeting magadevelop sang “special bond” sa North Korea.
Sang ginpamangkot kon iya imbitaron sa White House si North Korean Leader Kim Jong-un, nagsabat si President Trump nga , ” “Absolutely I will”.
(photo from web)
