Compostella Valley – Patay diha-diha ang habal-habal driver human gipusil sa wala mailhing suspek alas 4:25 sa hapon sa Prk. 5 Brgy. Poblacion Montevista, Compostela Valley.
Ang namatay giila sa pangalang Dionisio Macayla, 49 anyos, minyo, driver, residente sa Brgy. Camantangan lungsod sa Montevista samtang ang mga naangol sila si Ralph Puga, 25 anyos, ug alyas Jane, 17 anyos, pulos residente sa Brgy. Poblacion.
Sumala sa report, nasayran nga kalit miabot ang wala mailhing suspek ngadto sa nahimutangan sa biktima ug gipusil ang habal-habal driver gamit ang .45 nga kalibre sa armas sa makadaghang higayon hinungdan sa iyang hinanaling kamatayon ug pagkaangol sa laing duha ka mga biktima nga padayon pang gitambalan sa Davao Regional Medical Center (DRMC) nga nahimutang sa syudad sa Tagum, Davao del Norte.
Kasamtangang nagpadayon ang gilusad nga imbestigasyon sa kapolisan sa pag-ila ug pagkasikop sa suspetsado.
RadyoMaN Juls Catisay
