Davao City – Gibanabanaan P15,000 ang damyos sa sunog nga natigayon alas 8:00 kagabie didto sa Kasilak Bucana, Brgy. 76-A siyudad sa Davao.
Sa report gikan San Pedro PNP, sumala pa nasunog ang pinuy-anan sa usa ka Romeo Macarayo, 58 anyos, usa ka driver.
Sa imbestigasyon ni FO3 Niño Glorio sa Bureau of Fire Protection XI (BFP-XI), ang hinungdan sa sunog usa ka lamparahan nga gibiyaan ug aksidenteng natumba.
Na-fire out ang maong sunog alas 8:17 kagabie, hinuon walay casualty o nasamdan atol sa sunog.
RadyoMan Don Pulayao
Facebook Comments
