Usa ka balay, nasunog sa Barangay 6, Balingasag, Misamis Oriental karong mga ala una sa hapon

PC: RadyoMaN Annaliza Amontos-Reyes

Nasunog ang usa ka balay sa Tres Martires – Capili Street,  Barangay 6, Balingasag, Misamis Oriental mga pasado ala una karong hapon.

 

Ang maong balay ang gipanag-iyahan ni Anastacio Babiera.

 

Matud ni SFO2 Wayne Bagtong ang Hepe sa Balingasag Fire Station nga nagsugod ang kalayo sa 2nd floor sa nasangpit nga balay.


 

Sa inisyal nga imbestigasyon sa Bureau of Fire Protection nasayran nga dunay nibuto sa taas nga bahin sa balay ayha namatikdan ang kusog nga kalayo.

 

Posible matud pang nabiyaan nga gi-charge nga cellphone ang hinungdan sa sunog.

 

Samtang mikabat sa 100-thousand pesos ang damyos sa maong hitabo.

 

 

 

Facebook Comments