Davao City- Igo nalang sa pagpatala sa presinto uno Sta. Ana PNP ang usa ka brgy. kagawad human nabiktima sa kawat o pagpanglungkab sa iyang lima ka piso-net units alas 3:00 sa hapon sa Brgy. Thomas Monteverde ning dakbayan.
Sa blotter sa kapulisan Sta. Ana, naila ang biktima sa pagpanglungkab mao si James Michael Luz Lee, 25 anyos, brgy. kagawad sa nahisgutang barangay samtang ang ang suspek ginganlang Peter Boltron, 18 anyos ug way kumpletong address.
Saysay pa sa kagawad, sa dihang iyang giabrihan ang lima ka coin box nakurat nalang nga nahanaw na ang mga sinsilyo, human sa hitabo ang biktima igo nalang sa pagpadangop sa Sta. Ana PNP aron paimbestigahan.
Gilayun gidispatsahan sa kapulisan sa pagpanguna Police Officer 1 Logronio, imbestigador sa Sta. Ana PNP, nasuta nga gipugos og abri ang lima ka pisonet gamit ang bugos key nga ginama sa tire wire hinuon wala pa masayri kun pila ang kantidad nga nakawat sa suspetsado.
Ginasubay pa karun sa kapulisan kun duna bay mga kaubanan ang naasoyng suspetsado sa pagpanglungkab .
RadyoMan Don Pulayao
