Davao City- Usa ka Demolition Job kinsa nagpunting gihapon sa lederato ni Presidente Rodrigo Duterte, ang paglambigit sa korapsyon sa Bureau of Customs nila ni Davao City Vice Mayor Paolo Duterte ug Councilor Nilo “Small” Abellera Jr. Sumala ni Davao City 3rd District Councilor Condrado “Conde” Baluran, kining tanan walay kamatuoran ug pulos lamang pagpangdaot. Giingon ni Baluran si Presidente Duterte sama sa usa ka prutas nga hinog na ug daghan na ang moangkon.
Tungod niini nanawagan siya sa katawhan nga magpabiling lig-on ang pagsalig sa atong Presidente, Mayor ug Bise Mayor sa bisan unsang mga pagpangdaut.
Gisulti usab ni Davao City 2nd District Councilor Al Ryan Alejandre , magpabilin ang ilang pagsalig ug suporta kang Abellera ug Vice Mayor Duterte luyo sa dili maayong balita isip kauban sa konseho sa syudad sa Davao.
Samtang dili motoo si Davao City 2nd District Councilor Atty.Diosdado Angelo Mahipus jr., niining mga gipasiatab ni Senador Antonio Trillanes batok kang Presidente Duterte tungod kay walay kredibilidad ug gibasehan, butang nga dili angayang tohoan ilabina kining ilang paglambigit sa Bise Mayor ug Councilor Abellera sa korapsyon sa Bureau of Customs.
Kasamang Bernard Pantallon
