Usa ka driver sikop sa COMELEC checkpoint

Davao City – Nadakpan sa Sta. Ana PNP ang usa ka motorista nga nakasupak sa balaud trapiko human gimontar ug gipatuman sa kapolisan ang COMELEC checkpoint sa pagpanguna ni Police Chief Inspector Nolan Raquid ang Station Commander sa Sta. Ana ala 1:30 sa kaadlawon didto sa dalang Quezon Boulevard siyudad sa Davao.

Subay sa report, ang driver nga naaresto nailang si Moises Mahipus, 34 anyos, ulitawo, usa ka laborer ug nagpuyo sa Ponciano st. Brgy. 4-A siyudad sa Davao.

Matud pa sa report naharang sa otoridad ang naasoy nga driver sakay sa iyang single color white rusi 150 motorsiklo ug walay gipakitang driver license ug walay plate no. ug wala nagsuot helmet.


Ang motorsiklo giendosar na sa kapolisan na Sta. Ana ug sa karon mas gipahugtan pa sa mga pulis ang pagpatuman sa COMELEC checkpoint ngadto sa ilang Area of Responsibility.

RadyoMaN Don Pulayao

Facebook Comments