Davao City – Nasikop sa kapolisan sa Bunawan kauban ang pwersa sa Philippine Drug Enforcement Agency ang usa ka drug pusher human kini nasakpang nagapamaligya og shabu alas 7:20 sa kagabhion atol sa gilusad nga buy bust operation sa Purok 12, Tibungco Public Market siyudad sa Davao.
Subay sa report gikan Davao City Police Office naila ang dinakpan nga usa ka Abduracman Abburan alias Rocky, 22 anyos nga taga-Muslim Village ilang ning dakbayan.
Matud pa, sa dihang gikasa ang buy bust operation sa nasangpit nga lugar, wala kamatikod si Abburan nga pulis na ang iyang gikatransak hinungdan sa pagkasikop niini.
Narekober gikan sa posisyon sa suspek ang usa ka sachet nga gituohang shabu ug P500.00 mark money.
Ang dinakpan balhug na sa Bunawan Pnp ug gihikay na sa kapolisan ang kasong kalapasan sa RA 9165 kun Comprehensive Dangerous Drug Act of 2002.
Sa datus sa Bunawan PNP, walo na ka mga drug pusher ang nadakpan gikan sa ilang area of responsibility.
RadyoMaN Don Pulayao
