Davao City – Gilayong respondehan sa mga otoridad sa Panabo City ang usa ka report nga adunay napalgan nga gituohang bomba sa Purok 5, Barangay Little Panay, Panabo City, Davao del Norte, gahapon sa hapon, May 10, 2024.
Sa pagpanubay na sa Panabo City Police Office – Tactical Operations Center (TOC), nakita ang ang usa ka Unexploded Explosive Ordnance (UEO) Ctg, 81mm Mortar.
Sumala sa report, napalgan kini sa usa ka laborer samtang nanghagbas sa plantation sa maong lugar.
Ug subay niini, nagpahimangno ang Explosive Ordnance Disposal Team sa Panabo nga kung aduna na usab makitang susama niini, dalion dayon sa pag-report ngadto sa kapulisan.
RadyoMaN Ivy Parido
Facebook Comments
