Davao City – Gitigbas ang usa ka karpentero natigayon alas 10:25 sa Sitio Baybay Barangay Leon Garcia Agdao siyudad sa Davao.
Subay sa blotter gikan sa Sta Ana Pnp ang biktima mao si Segundino Cavalda, 37 anyos nagpuyo sa may Agdao samtang ang suspetsado nailang usa ka alyas Petaliar hingkod ang edad nagpuyo sa nahisgutang lugar.
Matud pa samtang ang biktima pauli sa iyang panimalay gikan nakig-inom sa balay sa iyang barkada apan paggawas niini sa purtahan kalit kini giduol sa suspek dayon tigbas nga miigo sa iyang walang bukton.
Human sa hitabo ang suspek daling misibat samtang ang biktima nga nagkadugo daling nisulod sa balay sa iyang barkada aron maprotektahan ug nahadlok nga basin balikan kini sa suspek.
Si Cavalda midangop sa Sta Ana Pnp aron sa pagpaaresto kang Petaliar ug matod pa desidido kini nga mupasaka og kaso batok sa suspek.
RadyoMaN Don Pulayao
