Nakaplagan sa mga otoridad ang patay’ng lawas sa usa ka lalaki sa pantalan sa Brgy. Kimaya, Jasaan, Misamis Oriental.
Nailhan ang biktima nga si Bernie Dominggo, 18 anyos, ulitawo ug lomolopyo sa Sitio Marani, Claveria, Misamis Oriental.
Gipahayag ni Police Senior Inspector Rogelio Labor, Hepe sa Jasaan PNP nga hubog ang maong biktima ug mi-ambak kini sa pantalan ug nasayran nga trabahante sa fishport ang nahisgutang ulitawo.
Nakita ang patay’ng lawas sa biktima nga dunay bun-og sa iyang ulo ug nawong nga gituhoang nabunal sa bato sa dihang mi-ambak kini sa pantalan.
Hinuon walay nakitang foul play ang otoridad sa nakaplagang patay’ng lawas sa maong lalaki nga miambak sa pantalan.
Alang sa inyong mga kumentaryo, mamahimo kamong makapabuhagay sa inyong mga ideya sa comment box ubos ning maong estorya.
