Sa report, giila ang biktima nga si alyas “Ronnie,” 31 anyos, ulitawo, walay trabaho, ug residente sa Seminary Drive, Brgy. Magugpo West, Tagum City. Duol sa iyang kamot napalgan ang pliers samtang sulod sa iyang backpack nakita ang daghang mga kable. Naputol sab ang usa ka kable sa electric meter nga nakabit sa usa ka abandonadong balay.
Sumala sa usa ka testigo, iyang nakita ang lalaki nga nag-buy-od sa luyo sa balay, hinungdan nga dali siyang nangayo og tabang sa silingan aron makatawag sa kapulisan.
Miresponde gilayon ang Mobile Patrol ug mga imbestigador, uban ang CDRRMO Rescue Team, apan wala na gidala pa sa ospital ang biktima ug gideklarar kini’ng patay sa Physician-on-Duty nga si Dr. Jireh Joy L. Astronomo tungod sa electrocution.
Sa pagkakaron, anaa na sa Rubio Memorial Services ang patay’ng lawas alang sa hustong disposisyon.
Samtang, giawhag sab sa Tagum PNP ang publiko nga i-report dayon sa awtoridad ang bisan unsang krimen o ilegal nga kalihukan pinaagi sa hotline 09197485024 o pagtawag sa 911.
RadyoMaN Kareen Beltran
