Gipangita karon ang usa ka mangingisda human kini nawala didto sa may brgy. Malintuboan, lungsod sa Labason.
Naila ang maong biktima nga mao si Jojo Pagat, hingkod ang pangidaron, molupyo sa nahisgutan nga dapit.
Ang nawala nga nahisgutan nga tawo uban niya ang lima ka tawo nga mao sila si Diosdado Sapalleda, Junriel Tumacmol, Betoy Lumayas, Manuel Orong ug Ren-Ren Ogao, matod pa nga nagka sabot sila nga mo layag didto sa lawod aron mangisda bisan paman nga dili maayo ang lakat sa panahon.
Gibana-bana adunay gilay-on nga 200km gikan sa baybayon sa lungsod sa Labason. Nasayran nga ang de motor nga Bangka nga nailang “Pakpakan” natikyaob kini human gihapak sa dako nga balod hinungdan nga nalunod kini.
Ang kauban sa biktima nakaluwas kini human milangoy padulong sa daplin sa baybayon sa maong lungsod.
Ang elemento sa Labason MPS, ZNNPPO uban sa MDRRMC nagpahigayon ug search and retrieval operation aron sa posibleng pag recover sa nawala nga tawo.
