Dapitan City – Mokabat sa eight hundred thousand pesos (P800,000) ang gibiling danyos human nasunog ang usa ka pension house didto sa road 23, Barangay Dawo sakop sa dakbyan sa Dapitan.
Ang nasunog sa miaging adlaw mao ang Luzviminda Maquiling pension house nga ginama sa mix materials.
Subay sa imbestigasyon sa BFP Dapitan pasado alas 9:30 sa buntag nagsugod ang pagsila-ob sa kalayo nga naggikan sa room 2 sa nasampit nga pension house diin nasuta ang sinugdanan sa kalayo mao ang electrical short circuit.
Ang kabomberohan nga nagkigbugno sa kalayo nideklarar nga fire out mga alas 10:45 na sa buntag ug wala na kini katabok sa tupad nga istruktura diin partially damage jud ang kinatibok-ang bahin sa maong lawak.
Atol sa hitabo way gika report nga naangol ug swerting way customer nag-lodging dihang natigayon ang sunog.
