Davao City- Gitawag og usa ka Propaganda Value lamang ang gihimong Senate hearing sa Blue Ribbon Committee sa senado sa pagpanguna ni Senador Richard Gordon, ang pagtambong nila ni Vice Mayor Paolo Duterte ug Atty. Mans Carpio.
Sumala ni Ateneo de Davao University Law Professor Atty. Arnold Abejaron, walay klarong mga ebidensyang gipakita si Senador Antonio Trillanes batok nila ni Duterte ug Carpio nga magduot sa kalambigitan sa korapsyon sa Bureau of Customs.
Matud ni Abejaron, ang bug-at lamang nga gihisgutan didto kadtong mga pangutana kung nganong nakalusot ang Shabu gikan sa China sa Bureau of Customs, tungod kay natubag ang mga proseso.
Samtang kadtong alegasyon ni Trillanes nga miyembro sa usa ka International Triad si Vice Mayor Duterte, walay bug-at nga basehan nga gipakita ang senador. Gipasabot ni Abejaron, dali lang ang pag-akusa ngadto sa usa ka tawo, apan lisod ang pagpamatuod ilabina kadtong giingong tattoo nga anaa sa likod ni Pulong Duterte.
Kasamang Bernard Pantallon
