Davao City- Gidunggab ang usa ka PUJ dispatcher alas 4:00 sa kadlawon natigayon sa Bankerohan ning dakbayan.
Subay sa report gikan San Pedro PNP, naila ang biktima usa ka Henry Mesario, 49 anyos, nagpuyo sa lungsod sa Sta Cruz, Davao Del Sur, samtang ang suspetsado wala pa mailhi.
Matud pa sa nakakita sa insidente nga si Jumar Agong, kalit gidoul ang biktima sa usa ka wala mailhing suspetsado dayon og dunggab tumong sa lawas sa biktima nga miresulta ug nakaangkon og mga samad dinunggaban. Human sa panghitabo daling nisibat sa wa matinong lugar ang wala mailhing suspect ug ang biktima gilayon gidala sa Southern Philippines Medical Center aron matambalan.
Samtang naglusad na og dugang imbestigasyon ang San Pedro PNP aron masayran kun unsay motibo sa pagdunggab sa biktima ug masusi sa maong lugar aron ma-trace up pinaagi sa CCTV camera.
RadyoMan Don Pulayao
