Davao City – Gikumpirma sa Police Regional Office (PRO-XI) nga adunay usa ka membro sa kapulisan ang nalambigit sa iligal nga droga sa nagpadayong internal cleansing program, subay sa operational procedures sa buhatan.
Sumala pa ni PMaj. Catherine Dela Rey, spokesperson sa PRO-XI, usa ka patrolman ang nalambigit sa iligal nga droga, human nagpositibo sa random drug testing nga nadestino sa New Bataan Municipal Police Station (MPS).
Segun ni Dela Rey, nagpadayon ang imbestigasyon sa maong pulis ug kasamtangang anaa na kini sa restrictive custody. Giklaro niya, posibleng ma-dismiss kini sa serbisyo.
Kahinumduman, daan na nga nagpahimangno si PBGen Leon Victor Z. Rosete PRO-XI Director sa kapulisan nga likayan ang pagamit sa iligal nga droga ug kung mapamatud-an, aduna kini silot nga atubangon.
RadyoMaN Kareen Beltran
Facebook Comments
