Nanawagan ang usa ka Elain Tundag sa publiko nga kung kinsa man ang nakakita o nakaila sa usa ka Michael Albacin, gilayong dakpon dayon kini tungod giingong nangluba kini og usa ka babaeng senior citizen sa Brgy. Tulalian, Sto.Tomas, Davao del Norte, gahapon sa kadlawon, October 20, 2023.
Sa interview sa DXDC RMN Davao sa Sto. Tomas Municipal Police Station (MPS), gikumpirma nilang aduna’y usa ka babae nga gikatahong giluba sa nakasibat nga suspetsado apan kini padayon pa nilang gipanubayan kauban ang mga barangay council ug kapulisan ug wala na naghatag pa og laing detalye.
Komento usab sa apo niining ai Moreign Joy Cañada nga wala matud pa’y sala ang iyang lola ug mao nalang kini ang nanginabuhi para sa iyang mga anak nga nabilin sa iyaha tungod ang iyang bana dili na makakita.
Sa pagkakaron, padayon pang ginapangita ang suspetsado ug nagapaalim na ang biktima sa iyang samad dinunggaban alang sa hinanaling kaayohan.
RadyoMaN Ivy Parido
Facebook Comments
