Davao City – Gikasubo sa mga dabawenyo ang pagkamatay sa usa ka tuig nga batang lalaki human naligsan og dump truck nahitabo kagahapon sa alas 8:15 buntag sa Purok 5, Brgy. 76-A, Bucana, syudad sa Davao.
Nagkalain-laing komento ang migawas sa comment section sa DXDC RMN Davao diin sagad niini mao ang kaminghoy og nganong wala mabantayi sa ginikanan kun pamilya ang maong bata.
Sumala sa driver nga nakabangga nga si Elpidio Romero Dumapay, 44 anyos, taga purok 1 Sitio Kalamuhoy, Kapatagan, Digos City, wa niya makita nga adunay bata mitabok ug didto nalang kini mihunong sa dihang adunay misyagit nga nabanggaan na ang bata.
Perting hilak sa inahan sa pagkaligis-patay sa iyang usa ka tuig nga anak nga si Rapsel Artiaga.
Sa interview sa RMN Davao kang Maychel Artiaga, gisaysay niini ang nahitabo og nganong wala na mabantayi nga mitabok ang bata.
Sumala niini, nagkasabot na sila sa tag-iya sa truck alang sa pagpahiluna ug mohatag pa og dugang cash assistance sa pamilya.
Tungod sa wala damhang panghitabo giangkon sa inahan nga sakit kaayo nga mawad-an og anak sa ingon niini nga insidente.
RadyoMaN Don Pulayao
