TACLOBAN CITY – Patay an usa nga bata matapos masunog an panimalay han iya amay ha P-4 Brgy. Dagum, Calbayog City, Samar kasangkulop, Marso 7, 2019.
Subay han report tikang ha Police Regional Office 8, may problema daw ha panhuna-huna an bata nga namatay.
Ha inisyal nga imbistigasyon han mga otoridad, nagtikang an sunog ha panimalay ni Bobby Redulas, 59 anyos, amay han bata, may asawa, usa nga traffic enforcer nga residente ha nasabi nga lugar.
Apil nga naugbaw an 6 nga kahagrani hini nga panimalay.
Umabot naman an danyos han sunog ha P1,350,000.00
Nagpapadayon naman an imbistigasyon han Bureau Of Fire Protection (BFP) kun ano an hinungdan han insidente.
Facebook Comments
