Usa nga bombero, patay matapos ma-aksidente an ginsasakyan nga van

2079

TACLOBAN CITY – Patay an usa nga bombero matapos ma-aksidente sakay han passenger van kanina han aga ha kadalanan han Brgy. San Roque, Tolosa, Leyte.

Subay han report han Police Regional Office 8, ginkilala an biktima nga hi Neilmer Cedric Bibar, 27 anyos, naka-assign ha Mahaplag Fire Station, pero residente hiya ha Brgy. 1, Tabon-tabon, Leyte.


Nagawas ha imbistigasyon han mga kapulisan, nawarayan hin kontrol han sarakyan an driver hini nga hi Ryndiel Ruiz, 24 anyos, may asawa, residente han Mahaplag, Leyte. Nahilabog an van tipakadto ha mga alad han mga panimalay.

Tikang ha dalan han Tanauan, Leyte tikadto ha direksyon han Dulag, Leyte.

Nadara pa ha hospital Bibar pero dead on arrival na ini.

Duha pa nga pasahero an gintatambal ha pagka yana.

Mababaruan nga nag-inuran kanina han aga ngan madalunot an kalsada.




Facebook Comments