Usa nga municipal councilor nagpabuto hin pusil, arestado

536

TACLOBAN CITY – Arestado an usa nga municipal councilor matapos magpabuto hin pusil ha Barugo, Leyte kasangkulop, January 19.

Ginkilala an suspek nga hi Jessie Cabanacan, 64 anyos, SB Member han Barugo ngan residente han nasabi nga lugar.


Subay han inisyal nga imbistigasyon han Barugo PNP, nagpapatrolya an mga kapulisan han makabati hira mga buto hin pusil ha gawas han bulangan han Barugo.

An rason daw kun kayano nagpabuto hin pusil hi konsehal Cabanacan tungod nga waray makaka-agi an iya sarakyan han kadamo na han mga sarakyan ha bulangan.

Maatubang an suspek hin illegal possession of firearms samtang paslak na hiya ha Barugo PNP.

Facebook Comments