Patay ang usa ka Kimberly Enriquez Calugay, Purok Madasigon, Agusan Pequenio, Butuan City sa dihang mibangga ang gisakyan niining Mitsubishi Xpander sa usa ka motorsiklo pasado alas 12:00 kaganihang kaadlawon sa may Baan Km3 Highaway, Butuan City.
Sa report sa police station 1, kusog ang dagan sa Xpander nga gimaniho ni Kent Francis Ala Tabada, taga Eastwood Subdivision, Baan Km 3, Butuan City sakay ang 3 ka pasahero nga sila si Regie Bergantiños Villanueva taga R Calo, San Ignacio, Azinith Vallenos Miranda taga Libertad, Butuan City ug ang namatay nga si Kimberly.
Naangol usab ang driver sa gibanggaan nga single motor nga si Ember Torrico Martizano taga Tabada Compound, Baan Km 3 ning siudad.
Tungod sa kusog nga impact nadugmok ang motor ug naligid ang Xpander ug maayong pagka guba niini.
Saysay sa police investigators, positibo sa ililnong makahubog an sakay sa Xpander atol sa maong vehicular accident.
[image: expander.jpg]
