Davao City-Tungod sa kakusog sa dagan sa duha ka motorsiklo usa ka rider nakabsan sa kinabuhi diha-diha dayon myentras tulo ka mga tawo naangol alas-9 kagabii diha sa Purok 17-B, Barangay Wangan, Calinan District ning syudad.
Giila sa Calinan PNP ang casualty nga si Darwin Simbre, 30 anyos samtang ang tulo ka naangol naglakip sa duha ka nag angkas ug ang nakabangga nga driver kinsa pulos gihatod sa Southern Philippines Medical Center.
Ang mga naangol mao sila si Alyas Gerald, driver samtang ang duha ka angkas mao sila Marjune Saway, 19 anyos ug usa ka Rolando Baway,19 pulos residente sa maong lugar.
Ang patay’ng lawas ni Simbre gihaya na karon sa Anghel Funeral Homes sa Calinan ning syudad.
Sa pikas bahin, nadala sa balay tambalanan ang usa ka driver sa motor ug driver sa usa ka Inova human sila nagbangga sa may Sitio Ubat, Catalunan Pequeño alas kwatro sa kahaponon gahapong adlawa.
Ang driver sa kotse giila nga si Noel Balcagoy, 38 anyos samtang ang driver sa motorsiklo giila nga si Marcelino Menegrito, 67 anyos kinsa nagrabehan sa maong insidente.
Nasayran nga nagsugat ang duha sa Sitio Ubat sa may paliko nga porsyon hinungdan nga milagpot si Menegrito sa iyang gisakyan nga motorsiklo.
Daling miresponde ang mga personahe sa Central 911 medic team ug gidala si Menegrito sa ospital.
DXDC RMN Davao News Team
