GENERAL SANTOS CITY- Usa ang patay samtang tulo usab ang samaron sa natigayong disgrasya sa national highway corner Koronadal Proper Road, Barangay Crossing Palkan, Polomolok, South Cotabato, niaging hapon.
Giila ang namatay nga si Jinky Manatod, 26-anyos samtang samaron ang drayber sa motorsiklo nga gisakyan niini na giilang si Tonton Matanod, 20-anyos og duha na mga angkas niini nga silang Oliva Matanod og Joaquin Baglangan, 4-anyos residente sa Purok 2, Barangay Aflek, TBoli, South Cotabato.
Nigawas sa imbestigasyon sa kapolisan kalit lang nihunong ang motorsiklo nga gisakya sa mga biktima aron moliko pawala dihang nibangga kini sa van gikan General Santos City paingon og Koronadal City.
Nabangga sad ang maong motorsiklo sa Honda Fit na gikan og Koronadal paingon og General Santos City.
Gideklarang dead on arrival sa ospital ang angkas sa motorsiklo nga si Jinky samtang padayon ang gihimong imbestigasyon sa kapolisan sa maong aksidente.
For more info’s and updates, like and share our official facebook account : www.facebook.com/ifm91.9Gensanofficial/
