Usa patay sa Anti-Criminality Ops sa Davao Norte

Davao City – Patay atol sa anti-illegal drug operation sa Purok Iga-oy, Brgy. Madaum, Tagum City ang usa ka drug suspect human kini giingong misukol sa mga awtoridad.

Sumala sa Police Regional Office XI nga bandang alas 4:17 sa hapon niadtong Enero 16 gikasa sa Tagum City Police ang operasyon batok sa suspek nga si Joven Riño Y Molijon alyas “Otik”, 49 anyos sa paglapas sa RA 9165.

Narekober sa mga operatiba sa crime scene ang usa ka pakete sa shabu, .45 nga pistola, basyo sa bala sa 9MM nga pusil, basyo sa .45, itom nga motor nga walay plate number, cellphone ug pitaka.


Samtang, arestado pinasikad sa warrant of arrest ang duha ka mga pinangita sa balaod nga sila Florian Pableo Bareta nga adunay kasong Robbery with Violence Against Intimidation of Persons ug Odette Collado Jara sa kasong Falsified Document.

Mokabat usab sa 303 anti- criminality activities ang nakasa sa mga kapulisan sama sa checkpoint, bakal-sita, foot/beat patrol, mobile patrol, motorcycle patrol ug preventive patrol.

Na-isyuhan usab og citation tickets ang 115 ka mga violators sa RA 4136 or the Land Transportation and Traffic Code.

RadyoMaN Aimee Guinita

Facebook Comments