Sergio Osmeña, ZDN-Wala na kaabot sa balay tambalanan ang usa ka angkas sa motorsiklo human kini sila nabalintong didtosa may National High Highway Sitio Batotil-til, Brgy. Biayon Sergio Osmeña sa miaging byernes sa may 9:35PM.
Usa ka Honda Road Sports MC kolor blue nga gimaneho ni Joren Pailaga, 25 anyos uban sa iyang duha ka mga angkas nga sila si Junriel Rafols Castillon, 35 anyos ug si Kevin Nequillo Pailaga, 22 anyos pulos kini sila resisdente sa Brgy. San Vicente, Katipunan, ZDN.
Sa impormasyon gikan sa Pnp Osmeña kini nga motorsiklo nagbyahe kini gikan dinhi sa dakbayan sa Dipolog Padulong sa lungsod sa Osmeña ug paghidangat niini sa lugar nahitaboan partikular sa kurbadahon, ang drayber nga si Joren mi overtake kini sa iyang gisundan nga sakyanan, didto na nawad-an ug control hinungdan nga maayong pagkabulandos ug naparok sila sa kongretong poste.
Nakaangkon ug daghang mga bali sa ilang kalawasan ang drayber ug angkas niini, apan kini si Junriel Rafols way swerte ang gikutloan kini sa iyang hinulamang kinabuhi.
Ang duruha padayon pa usab nagpaalim sa ilang mga bun-og nga naangkon didto sa balay tambalanan.
