Padayon pa karon ang pagpangalap ug impormasyon ug pagpangita sa mipusil patay sa biktima didto sa Sitio Dungguan, Barangay Makiang sakop sa lungsod sa Siocon niadtong adlawng dominggo sa may 1:33PM .
Ang biktima nailang si Dominador Gañola Maquilang Jr. Alyas Tadok, nagpuyo sa nahisgutan nga barangay sa unahan kinsa gipusil patay ni Nur-Hussein Osana Banguih nga taga barangay Suhaile Arabi, Siocon.
Sa gihimong pag imbistiga ni PO2 Siegfried Mirasol Dela Cruz, nasayran nga ang biktima ug ang person of interest anaa kini sila sa panimalay sa biktima ug sa walay igong rason mipusil ang maong person of interest ngadto sa biktima nga si Dominador dayong sibat sa lugar nahitaboan.
Gisulayan pa kini ug dala ang biktima sa pinaka duol nga balay tambalanan sa maong lungsod apan wala na kaabot human gibawian sa iyang hinulamamng kinabuhi.
Samtang nakuha sa lugar nahitaboan ang upat ka basyo ug usa ka buhing bala sa .45, lakip niini nakuha ang mga drug paraphernalia ug walay sulod nga gagmayng pakete nga gituohang gisudlan ug Shabu.
Usa karon sa gitutokan sa kapulisan sa Siocon nga hinungdan sa pagpamusil mao ang gikalambigitan sa guinadiling droga base sa mga nakuha nga drug paraphernalia.
