Manukan, ZDN- Padayon pa karon nga nagpaalim sa ilang mga pangos ug bun-og ang mga biktima sa nahitabong panagbangga sa duha ka motorsiklo didto sa may Sitio Dequis, Brgy. Pob. Lungsod sa Manukan, ZDN niadtong adlawng lunes Setyembre 3, 2018 bandang 8:20PM kapin kun kulang.
Dali kining girespondehan sa PNP Manukan sa pagpanguna ni PSI Benjamin C. Napigkit ang hepe sa maong lungsod aron sutaon ang maong insidente.
Sa nahipos nga impormasyon sa RMN DXDR, nasayran gilangkuban kini sa duha ka motorsiklo usa ka Honda XRM 125 kolor blue nakapangalan kang Edmar Gondola, 22 anyos ug gimaneho ni Janjan Sotello, gituohan kining lango sa ilimnong makahubog, residente sa may brgy Serongan, Manukan, ZDN.
Samtang ang ikaduhang motor usa sab ka XRM 125 FI, gipanag-iya ug gimaneho ni Elizar Meraveles, 38, taga brgy. Siparok Jose Dalman, ZDN. Adunay duha ka angkas nga sila si Arnel Tumongon, taga brgy. Diongan, Jose Dalman ug Jomar Eliam taga brgy. Bitoon, Jose Dalman.
Matod pa, ang duha ka motorsiklo naglawig kini dili parehang direksyon ug pag abot sa lugar nahitaboan ang kining XRM kolor blue nga gimaneho ni Gondola nawad-an kini ug control sa iyang gimaneho nga motor ug aksidente kini nabangga sa kasugat nga motor nga iya ni Meraveles.
Ang duha ka mga drayber ug duha ka angkas naka angkon kini ug bali ug samad sa ilang kalawasan, hinungdan dali kini silang gidala sa balay tambalan apan kini si Elizar Meraveles kinsa siya usab ang gibanggan ang dead on arrival sa Manukan Medicare and community hospital.
Sa pagkakaron ang duha ka mga motor anaa na tanggong sa Manukan MPS samtang ang namatay nga biktima anaa na karon gipahimutang sa iyang pinuy-anan dala sa kasakit ug kaguol sa gibati sa iyang mga kabanay.|Mark Bacroya
Photo(c)
Juldran Elumbaring <www.facebook.com/juldran.elumbaring?tn-str=%2AF>
