Usa, patay, tulo, samaran sa dihang nagkabangga ang duha ka motor; usa ka samaran, nakagawas na sa ospital

Gihulat pa sa kapulisan sa Jasaan Municipal Police Station kung unsay mahimong lakang sa pamilya sa namatay nga driver sa motorsiklo nga nakabangga sa laing motorsiklo.

 

Kini ang gibutyag ni Police Chief Insp. Rogelio Labor, Hepe sa Jasaan Municipal Police Station sa interview sa dxCC-RMN Cagayan de Oro.

 

Matud ni Chief Insp. Labor nga dead on the arrival sa Jasaan Hospital ang biktimang Roberto Hingaray, Jr. nga taga Zone 1, Riverside, Barangay Solana, Jasaan, Misamis Oriental.


 

Nasayran nga nakabangga ang motorsiklo ni Hingaray ngadto sa motorsiklo nga gimaneho ni Joseph Caamic nga taga Purok 4, San Antonio, Jasaan sa maong lalawigan.

 

Samaran si Caamic ug ang duha ka backriders nga dali usab nga gidala sa ospital.

 

Mahinumduman nga nahitabo ang insedente niadtong Dominggo sa gabie sa Purok 3, Barangay Luz Banzun, Jasaan, Misamis Oriental.

 

Facebook Comments