Patay ang driver sa motorized sikad samtang tulo ang samaran sa vehicular accident nga nahitabo mga alas kwatro kagahapon sa kadlawon sa Purok 7, Upper Puerto ning syudad.
Naila ang namatay nga si Elizar Allen, 40 anyos, driver sa motorized sikad ug samara ang iyang asawa nga si Jessa Allen, 40 anyos, 10 anyos nga si Johnrel Allen ug ang igsoon ni Jessa nga si Maribel Misa, 39 anyos ug puros taga Quezon, Bukidnon.
Basi sa imbestigador sa Police Station 6, Puerto nga si SPO2 Lolito Castillo nga gikan matud pa sa Barangay Bugo ang motorized sikad nga gimaneho ni Elizar Allen paingon sa Quezon Bukidnon ug sunod niini ang usa ka fortuner nga gimaneho ni Robert Undak nga taga Zone 2, Manolo Fortich, Bukidnon sa dihang kalit nga nagbangga ang duha ka sakyanan.
Dead on the spot si Eliazar Allen samtang gidala usab sa ospital ang tulo ka kauban niining nasamad sa lain-laing bahin sa kalawasan.
Sa karon, naka-detain na sa Police Station 6, Puerto ang driver sa fortuner nga si Robert Undak samtang padayon nga gitambalan sa ospital ang tulo ka samarang pasahero sa motorized sikad.
