Usa ang patay ug upat ang samaran sa dihang nahulogan og dakong bato sa Sagpulon Falls sa Barangay San Isidro, Jasaan, Misamis Oriental mga ala 1:30 sa hapon niadtong Sabado.
Kini ang gikumpirma ni Police Chief Inspector Rogelio Labor, Hepe sa Jasaan Municipal Police Station sa interview sa dxCC-RMN.
Gibutyag usab ni SPO2 Elesio Hunsay sa Jasaan Municipal Police Station nga dead on arrival sa ospital ang dose anyos nga si Yandro Sinonday nga taga Zone 3, Barangay Agusan ning syudad sa Cagayan de Oro.
Samtang samaran silang Brian Sinonday, 37 anyos, Jeward Harry Madular, 30 anyos, taga Barangay Puerto, Cagayan de Oro, Genalyn Bagaipo, 35 anyos ug Cherry Karatino, 39 anyos puros taga Lagonglong, Misamis Oriental.
Human sa insedente, wala una gipasudlan sa laing mga bisita o residente ang lugar.
