Patay ang usa ka lalaki samtang kritikal ang kauban niini human sa aksidente sa kadalanan alas 3 kapin kun kulang ang takna karong kadlawon.
Biktima nailang si Sadam Macabato kinsa driverĀ sa puti nga inova nga dunay plaka numero TQW-136 samtang kritikal ang sakay niini nga si Aminola Bagantol 18 anyos taga Rabago, sakop sa barangay villaverde ning dakbayan sa Iligan.
Sumala pa sa nakasaksi, nga kusog ang padagan sa maong sakayanan gikan sa childrens park paingon sa barangayĀ Del Carmen apan wala na makontrol sa driver ug nibangga kini sa punoan sa mahogany.
Gumikan sa kusog sa impact niini, dead on the spot ang driver samtang kritikal usab ang kauban kinsa milagpot sa windshield sa maong sakyanan.
Padayong gi obserbahan karon sa mga doktor sa City hospital ang kritikal nga si Aminola BagantolĀ samtang ang patayng lawas ni Macabato ang anaa karon sa morgue sa nasangpit nga ospital.
Lango matud pa sa ilimnong makahubog ang maong mga biktima.
