Usa patay samtang usa ang nalandig sa tambalanan human kini makaasidente alas 1 kapin kun kulang ang takna ganinang kadlawon sa may Quezon ug Mariano Badelles Street , Barangay POBLACION ning syudad sa Iligan.
Naka angkon ug bali sa paa ang driver sa motor nga si Joabis Capangpangan 21 anyos, ulitawo, miyembro sa 77th IB Philippine Army, nga nadestino sa Surigao apan, taga Barangay Abuno ning dakbayan.
Matud pa, nga gikan sa Pala-o ang mga biktima ug padulong unta sa may wet market aron mangaon ug halanghalang, apan sa pag abot sa lugar-hitaboan, kalit lang sila nabangga-an sa usa ka fishcar..
On the Spot patay ang maong babae nga nailang si Shalamar Argawanon, 21 anyos, single, ug molupyo sa Purok 8 Barangay Santiago ning dakbayan gumikan sa naangkon niini nga kadaot sa nawong ug tiyan human nga nalatayan kini sa ligid sa usa ka wingvan. samtang gidala sa City hospital ang nasangpit nga driver sa motor,.
Ang driver sa fishcar nga nailang si Jerry Destua , 50 anyos, minyo, taga Talun-Talun Zamboanga City ang misuway pa unta ug iskapo apan gilayong misurnder .
Balhog karon sa station 5 ang driver sa maong wingvan.
Padayon ang imbestigasyon sa kapulisan labot sa maong insidente.
photo credits to Teddy Pagente
