Usa sa mga biktima sa disgrasya sa Bohol, pabalik na unta abroad para makasuporta sa pamilya

Davao City- Inay magsadya, trahedya ang gidangatan sa tulo ka indibidwal nga mga taga Bansalan, Davao del Sur human nga nabangga ang van nga ilang gisakyan sa tulay sa Brgy. Buenos Aires, Carmen Bohol gahapong adlawa, Oktubre 23, 2023.

Nailhan ang tulo nga nakalas nga mao silang Abelardo Cagampang, 48-anyos; Marlon Ondos, ug Janice Rosen Bonbon, 35-anyos nga taga Bansalan, Davao del Sur.

Sa pagkakaron, anaa sa mapait nga kahimtang ang pamilya, kabanay ug higala ni Janice Bonbon tungod sa kalit nga kamatayon niini ug sumala pa nila, bag-o lang kini niabot gikan sa laing nasud ug nagplano nga human mulaag sa Bohol, mubalik siya sa Japan aron masuportahan ang pamilya sa Pilipinas.

Sa Facebook sa post sa anak ni Bonbon nga si Erika Ondos, kutob nalang matud pa siya sa kasuya ug siya nagpahinumdom sa mga batan-on nga higugmaon ang ilang inahan samtang sila naa pa.

Sa imbestigasyon, gibutyag ni Police Staff Sgt. Jay Anthony Lansang sa Carmen Police Station nga nakatug ang driver hinungdan nga nibangga sa tulay ang gimaneho niining van.

RadyoMaN Ivy Parido