Davao City – Giindurso na sa Calinan Police Station, ang usa sa suspek sa nahitabong pagpabusikad sa usa ka restobar sa Calinan niadtong milabay’ng gabii, human nadakpan sa joint operation sa kapulisan kagahapon August 8, 2023 sa Pagasa Village, Brgy.Ilang, Bunawan District, Davao City.
Sa interbyu sa DXDC RMN kang Police Major Robel Saavedra, Station Commander sa Bunawan Police Station gibutyag niini, gilimud sa suspek og wala kini malambigit sa pagpamomba subay sa imbestigasyon sa Calinan Police Station.
Dugang ni Saavedra, bisan og milimud ang suspek, apan siya ang nakita sa kuha CCTV Camera og posibleng dunay giprotektahan nga kauban niini.
“Nangutana kaniya ang atong kapulisan sa Calinan… gi-deny niya ang maong panghitabo ug naa syay giprotektahan nga tawo nga dili madamay ing-ana nga problema”, sulti ni Saavedra.
RadyoMaN Don Pulayao
Facebook Comments
