Davao City – Sikop sa kapolisan ang usa ka street level pusher atol sa gikasa nga buy bust operation sa PDEA XI ug kapulisan sa Sta.Ana PNP natigayon alas 4:30 sa kahaponon didto sa Purok 1 Barangay Isla Verde Boulevard siyudad sa Davao.
Subay sa report sa Sta Ana Pnp, ang dinakpan naila sa pangalang Ronald Londres alyas Hontoy, 39 anyos.
Positibong napalitan ang suspek og shabu gamit ang buy bust money nga 500 pesos sa usa ka poseur buyer nga pulis.
Nakuha gikan sa dinakpan ang upat ka elongated heat sealed transparent plastic sachet nga shabu nga adunay estimated street value nga 2,500.00 pesos, 500.00 pesos buy bust money, usa ka unit sa cellphone nga maoy gigamit sa suspek sa iligal nga transaksiyon.
Ang dinakpan balhug na Sta Ana PNP ug karon adlawa i-file ang kaso ngadto City Prosecutor’s Office sa kasong kalapasan sa RA 9165 Comprehensive Dangerous Drugs Act of 2002.
RadyoMaN Don Pulayao
