Davao City – Gikalipay sa mga mamumuo ang gipatumang wage increase nga gipagawas sa Regional Tripartite Wages and Productivity Board (RTWPB)-XI niadtong adlawng Biyernes, Pebrero 15, 2019.
Sa pakighinabi sa DXDC RMN Davao ni Baby Jane Cabatingan, residente sa Compostela, Compostela Valley Province ug produkto sumala pa sa iyang mga ginikanan nga anaa sa industriya sa agrikultura, gisaysay niini nga dakong tabang kanila ingon man sa mga trabahante sa maong sektor ang maong pagtaas sa sweldo diin gawas nga nagkamahal na ang mga nag-unang panaliton, mas pili-on sumala pa sa nahisgutan nga magpabilin sa nasud kauban ang pamilya inay nga mutrabaho sa abroad.
Dugang pa niini nga dako na ang mauli nga sweldo sa mga mamumuo ngadto sa ilang tagsa-tagsa ka mga pamilya tungod sa maong dugang taas sa sweldo.
Kahinumduman nga nagbaton og P26 nga usbaw sa sweldo sa mga mamumuo dinhi sa Davao region tungod sa maong ikaduhang hugna sa Wage Increase nga gipagawas sa RTWPB niadtong 2018.
RadyoMaN Kirby Manzon
