Sumala pa kang Labor Secretary Bienvenido Laguesma, gikinahanglan unang makita ang epekto sa 2024 sa mga gipatumang wage increase karong tuiga ug kung unsa ang mga mamahimo niining epekto ngadto sa industriya.
Gikonsidera usab sa Department of Labor and Employment (DOLE) ang epekto sa usbaw sweldo sa status sa employment sa tawo, inflation o ang paspas nga pagsaka sa presyo sa palaliton ug mga serbisyo lakip na ang paglambo sa ekonomiya.
Dugang pa ni Laguesma nga gawas sa tan-awon nila ang panginahanglan sa mga trabahante, ikonsidera usab kung asa ra taman ang kaya sa mga employer.
Gipasabot sa opisyal nga dili na kinahanglan pang magduso og petisyon alang sa wage hike tungod aduna nay daan nga mandato ang regional board nga obserbahan ang sitwasyon ug label sa ekonomiya sa ilahang mga lugar.
Subay niini, dako ang panghinaut sa dabawenyang si Jovy Mae nga sugaton og maayong balita ang tuig 2025 sama sa pagsaka sa sweldo tungod matud pa ultimo pagpamalit sa kunsumo lisod na resulta sa nagkamahal nga palaliton karong panahona.
RadyoMaN Ivy Parido
