Davao City – Preso karon sa Buhangin PNP ang usa ka usher sa last two human nasikop sa gilusad nga anti-gambling operation pasado 7:00 kagabii.
Gipusasan ang suspek nga si Michael Gerona, 29 anyos, last two usher, ug nagpuyo sa Panacan relocation ning syudad.
Akto nasapon sa flagrante delicto si Gerona samtang nagpataya ngadto sa pulis nga nagpaka aron-ingnon nga tigpatad sa last two.
Nakumpiska gikan sa dinakpan ang mga paraphernalia sa pagpataya og last two ug 400 pesos nga income sa sugal.
Malinawon miuban sa mga tinugyanan sa balaod si Gerona samtang pasakaan kini og kaso sa piskalya subay sa kalapasan sa RA 9287 kun illegal gambling.
RadyoMaN Joel Viray
Facebook Comments
